युवकले आफ्नै छातीमा हाने गोली

काठमाडौं – मोरङमा एक युवकले आफ्नै छातीमा गोली प्रहार गरेका छन्। उनले पेस्तोलमार्फत शुक्रबार राति छातीमा गोली प्रहार गरेका हुन्। मोरङको कटहरी गाउँपालिका १ राजवंशी चोकका २५ वर्षीय अन्स सिंह भनिने रुपेश कामतले आफैंलाई गोली प्रहार गरेका थिए।

घरमा कोही नभएको बेला आफैमाथि गोली प्रहार गरेका उनले घाइते भएपछि  प्रहरीलाई आफैले खबर गरेका थिए। लगत्तै घटनास्थल पुगेको प्रहरीले उनलाई गम्भिर अवस्थामा कोशी अस्पताल विराटनगर लगेको भएपनि त्यहाँ उपचार सम्भव नभएपछि थप उपचारका लागि नोबेल अस्पताल लगिएको छ।

घाइते युवकले पेस्तोल कहाँबाट ल्याए र के कारणले उनले आफैलाई गोली प्रहार गरे भन्ने नखुलेको र घटनाको अनुसन्धान भैरहेको प्रहरीले जानकारी दिएको छ।