एजेन्सी- इन्डियन प्रिमियर लिग (आइपिएल) क्रिकेटको उपाधिका लागि साविकको विजेता टोली चेन्नेई सुपर किंग्स र मुम्बई इन्डियन्स भिड्ने भएका छन् । शुक्रबार राती भएको खेलमा चेन्नाईले दिल्ली क्यापिटल्सलाई पराजित गरेसँगै उपाधिका लागि चेन्नाइै र मुम्मबई भिड्ने पक्का भएको हो ।
दोस्रो क्वालिफायर खेलमा चेन्नाईले दिल्लीलाई ६ विकेटले पराजित गरेको हो । दिल्लीले दिएको १ सय ४८ रनको लक्ष्य पछ्याएको चेन्नाईले १९ ओभरमा मात्त ४ विकेट गुमाएर भेट्टायो । चेन्नाईको जितका लागि फाप डुप्लेसी र सेन वाट्सनले अर्ध सतकीय पारी खेले ।
३९ बलमा ७ चौका र १ छक्का प्रहार गर्दै डुप्लेसीले ५० रन जोडेका थिए भने वाट्सनले पनि ३२ बलमा ३ चौका र ४ छक्का प्रहार गर्दै ५० रनको अर्धसतकीय पारी खेलेका थिए । त्यस्तै अम्बती राइडुले २० तथा सुरेस रैनाले ११ रन जोडेका थिए । दिल्लीका लागि ट्रेन्टअबोल्ट, इसान्त शर्मा, अक्सर पटेल र अमित शर्माले समान एक एक विकट लिए ।
यसअघि टस हारेर पहिले ब्याटिङ गरेको दिल्लीले २० ओभरमा ९ विकेट गुमाउँदै १ सय ४७ रन जोडेको थियो । दिल्लीका लागि ऋषभ पन्तले ३८ र कोलिन मुन्रोले २७ रन जोड्न बाहेक अन्य ब्याट्सम्यानको प्रर्दशन उल्लेख्य रहन सकेन । पन्तले २५ बलमा २ चौका र १ छक्का प्रहार गरे ।
त्यस्तै कोलिनले २४ बलमा ४ चौका प्रहार गर्दै २७ र न जोड्दा शिखर धवनले १८, कप्तान श्रेयश १३ तथा लेयरलेसर्फाने रुथरफोर्डले १० रन जोडे । चेन्नेईका लागि दिपक चाहर, हरभजन सिंह, रविन्द्र जडेजा र डियान ब्राभोले समान २-२ विकेट लिए । त्यस्तै इमरान ताहिरले एक विकेट लिएका थिए । अब उपाधिका लागि चेन्नेई र मुम्बई ईन्डियन्सले आइताकार राती प्रतिस्पर्धा गर्नेछ ।
प्रकाशित: Dec 31, 2017| 18:23 आइतबार, पुस १६, २०७४