धनगढी - डोटीको वडीकेदार गाउँपालिका–४ को वडा कार्यालयमा अज्ञात समूहले आगजनी गरेको छ। मान्नाकापडीमा रहेको वडा कार्यालयमा आगजनी भएको हो।
जिल्लाको दक्षिणी क्षेत्रमा रहेको गाउँपालिकाको वडा कार्यालयको ढोका तोडफोड गरेर भित्र पसेर सामाग्रीहरू एक ठाउँमा जम्मा गरी आगो लगाइएको वडा नम्बर ४ का वडा अध्यक्ष वीरेन्द्र बहादुर कोटकेनीले बताए।
रातिको समयमा आगजनी भए पनि मंगलबार बिहान मात्र प्रहरीलाई खवर भएपछि इलाका प्रहरी कार्यालय विपीनगरबाट प्रहरी निरीक्षक नेतृत्वको टोली घटनास्थलतर्फ गइरहेको जिल्ला प्रहरी कार्यालय डोटीका प्रहरी उपरीक्षक विद्यानन्द माझीले बताए। आगो कसले र किन लगायो भन्ने विषयमा भने केही पत्ता लागेको छैन।
प्रकाशित: Dec 31, 2017| 18:23 आइतबार, पुस १६, २०७४