काठमाडौं– धर्मश्री ब्याडमिन्टनको उपाधि राजन श्रेष्ठ र किरण कार्कीले जितेका छन्। समूह एका श्रेष्ठ र कार्कीले छितिज हिमालय तथा राजनमान श्रेष्ठलाई २१-१७र२१-१५ ले सेटमा हराएका हुन्। यस्तै समूह बीका कुमार सापकोटा र सुशान्त दुलाल राजु तामाङ र दिवस पाण्डेलाई २४-२२ र २१-६ले हराएर दोस्रो स्थानमा रहे। तृतीय स्थानका लागि भएको प्रतिस्पर्धामा ए समूहका कृष्ण बास्ताकोटी तथा उज्ज्वल दाहालले हरि मोक्तान तथा सुरेन्द्र थापालाई २१-१४ र २१-९ ले हराएका थिए।
यसैगरी समूह बीका टीएम श्रेष्ठ तथा रबिन बोम्जनले शैलेश खड्का तथा एकबहादुर रोक्कालाई २१-१८ र २१-१४ ले हराए। धर्मश्री स्पोटर्स एकेडेमीले आयोजना गरेको खेल गोकर्णेश्वर नगरपालिका अर्यालगाउँमा भएको हो। शनबिार सुरु भएको प्रतियोगितामा काठमाडौं र सिन्धुपाल्चोकका समूह एबाट १५ टिम र समूह बीबाट २७ टिम गरेर ४२ टिमले भाग लिएको आयोजकले जनाएको छ। उपाधि विजेतालाई गोकर्णेश्वर नगरपालिका–७ का वडा अध्यक्ष केशव गुरुङले उपाधि वितरण गरेका थिए।