धनगढी – डडेलधुरा जिल्लाको भित्री मधेसमा पर्ने परशुराम नगरपालिका(६ स्थित रंगुन खोलामा पौडी खेल्ने क्रममा डुबेर एक बालकको मृत्यु भएको छ।
मृत्यु हुनेमा परशुराम नगरपालिका– ६ कै सिमलखेतका दुर्गाबहादुर पुन मगरका १२ वर्षीय छोरा धमेन्द्र पुन मगर रहेको इलाका प्रहरी कार्यालय जोगबुडाले जनाएको छ।
शनिबार दिउँसो साढे ३ बजेतिर पुनको पौडी खेल्ने क्रममा मृत्यु भएको ईलाका प्रहरी कार्यालय जोगबुडाका प्रहरी सहायक निरीक्षक करन देव पन्तले जानकारी दिए।
उनको शवलाई जोगबुडा अस्पताल जोगबुडामा राखिएको छ। शवको आइतबार पोष्टमार्टम गरि अन्त्यष्टि गरिने जनाइएको छ।
प्रकाशित: Dec 31, 2017| 18:23 आइतबार, पुस १६, २०७४