काठमाडौ- नेपाली राष्ट्रिय महिला क्रिकेटर कबिता कुँवरलाई इमर्जिङ क्रिकेटरको अवार्ड प्रदान गरिएकोछ । कुँवरलाई नेपाली क्रिकेट समर्थक समाज (एनसीएसएस)ले स्वर्गीय प्रमोद बज्राचार्य एनसीएसएस सेवा सम्मानबाट पुरस्कृत गरिएको हो ।
आयोजक एनसीसीएसले काठमाडौंमा एक कार्यक्रमको आयोजना गर्दै नगद पच्चिस हजार सहित सम्मान गरेको हो । समाजले आफ्ना पुर्व कोषाध्यक्ष स्वर्गीय प्रमोद बज्राचार्यको सम्झनामा पुरस्कार प्रदान गर्दै आएको छ ।
समाजले कबिता कुवँर, बिन्दु रावल र अप्सरी बेगमलाई मनोनयमा रहेको थियो । अवार्ड प्रदान गर्नका लागि एनसीएसएस र नेपाल खेलकुद पत्रकार मन्चबाट एक एक प्रतिनिधि र प्रशिक्षक बिनोद दासलाई राखेर छनोट समिति गठन गरिएको थियो ।
यसै बर्ष थाईल्याण्डमा भएको टी-२० स्म्यास, आईसीसी विश्वकप छनोट र आठौँ राष्ट्रिय खेलकुदमा खेलाडीले गरेको मुल्यांकनका आधारमा पुरस्कारको घोषणा गरेको हो । गत बर्ष इमर्जिङ खेलाडीको अवार्डबाट हरि बहादुर चौहानलाई पुरस्कृत गरिएको थियो ।
प्रकाशित: Dec 31, 2017| 18:23 आइतबार, पुस १६, २०७४