काठमाडाैं । लोकतन्त्र आएपछि सरकारले ल्याउने कार्यक्रममा नेपाल सरकार भनेर उल्लेख हुन्थ्यो। तर बिहीबार पेस भएको नीति कार्यक्रममा राष्ट्रपति विद्या भण्डारीले ‘मेरो सरकार’ भन्ने वाक्यांश उल्लेख गरेकी छन्।
२००६ सालमा राणा र कांग्रेसबीच श्री ३ कि श्री ५ भन्ने विवाद चलेको थियो। राजा त्रिभुवनका पक्षमा रहेको नेपाली कांग्रेसले श्री ३ को सरकारविरुद्ध श्री ५ को सरकार भन्ने वाक्य प्रयोग गर्दै आएको थियो। त्यसपछि नेपालमा राजाले नीति कार्यक्रम प्रस्तुत गर्दै श्री ५ को सरकारलाई मेरो सरकार भनी सम्बोधन गर्ने गरेका थिए। तर गणतन्त्र आएपछि नेपालमा राष्ट्रपतिले नीति कार्यक्रम प्रस्तुत गर्दा नेपाल सरकार भन्दै आएका थिए। तर बिहीबार सरकारको नीति कार्यक्रम वाचन गर्दै राष्ट्रपतिले पटकपटक नेपाल सरकारका ठाउँमा मेरो सरकार भन्दै सम्बोधन गरेकी थिइन्।
यो सरकार विद्या भण्डारीको होइन। किनकि उनी श्री ५ वा श्री तीन केही होइनन्। त्यसकारण मेरो सरकार सम्बोधन गराएर सरकारले राष्ट्रपतिलाई फेरि विवादमा पर्ने काम गरेको छ।
प्रकाशित: Dec 31, 2017| 18:23 आइतबार, पुस १६, २०७४