एजेन्सी- पेरिस सेन्ट जर्मन (पिएसजी)ले लिग वानमा मोन्टपिलरसँग लज्जास्पद हार व्यहोरेको छ । मंगलबार राती मोन्टपिलरको घरेलु मैदानमा भएको खेलमा ३-२ गोल अन्तरले पराजति भएको हो ।
खेलमा सुरुवाती अग्रता लिएको पिएसजीले अग्रता जोगाउन नसक्दा लज्जास्पद हार व्यहोर्यो । घरेलु टोलीका लागि एन्डी डेलोर्ट र सुउलेमान क्यामेराले एक एक गोल गर्दा एक गोल आत्मघाती उपहार पाएको थियो । त्यस्तै पिएसजीले पनि एक गोल आत्मघाती उपहार पाउँदा एक गोाल एन्जल डी मारीयाले गरेका थिए ।
पिएसजीले खेलमा आत्मघाती गोलबाट सुरुवाती अग्रता लिएको थियो । खेलको १२ औं मिनेटमा एमब्रोइज ओयोङ्गोको आत्मघाती गोल गरेपछि पिएसजी खेलमा अगाडी बढेको थियो । त्यसपछि आत्मघाती गोलबाट नै खेल पुन १-१ को बराबरीमा आयो ।
खेलको २१ औं मिनेटमा पिएसजीका प्रसनल मिम्पेम्बेले आत्मघाती गोल गरेपछि खेल बराबरीमा पुग्यो । पहिलो हाफमा १-१ को बराबरी भइएको खेलको दोस्रो हाफमा मोन्टपिलरले दुई गोल थप्दा पिएसजीले एक गोल मत्र गर्न सक्यो ।
दोस्रो हाफको ६२ औं मिनेटमा एन्जल डि मारीयाले गोल गर्दै पाहुना टोलीलाई पुनः अग्रता दिलाए । तर, ८० औं मिनेटमा एन्डीले गोल गर्दै खेल पुन २-२ को बराबरीमा ल्याए । त्यसपछि ८५ औं मिनेटमा क्यामेराले गोल गर्दै मोन्टपिलरलाई ३-१ को जित दिलाए । पराजित भएपनि लिग वानको उपाधि यसअघि नै पिएसजीले जिति सकेको छ ।
प्रकाशित: Dec 31, 2017| 18:23 आइतबार, पुस १६, २०७४