सिटिइभिटि गिरोहको धम्की : रेप केस त मिलाएँ,जे गर्न सक्छेस् गर !

इटहरी- सुनसरीकी कमला अधिकारी (नाम परिवर्तन) सिटिइभिटिको मेडिकल विद्यार्थी हुन । विद्यार्थी हुँदा उनलाइ पसल रोकाया नामका युवकले फेसबुक साथी प्रस्ताव पठाए । अधिकारीले स्वीकार गरिनन् । रोकायाले 'आफू सिटिइभिटिसँग जोडिएको मान्छे' भनेपछि भने अधिकारीले स्विकार गरिन । 

फेसबुक साथी बनेपछि रोकायाले लगातार आफूसँग च्याट गरेको, पढाइ र परिक्षाको बारेमा कुराकानी गरेको अधिकारी बताउँछिन । कतिसम्म भने  सिटिइभिटिमा फेल भएमा पास गराउने सम्मको धाक दिए रोकायाले । अधिकारीले पत्याइन् । आफ्नो एउटा बिषयको परिक्षामा राम्रो गर्न नसकेपछि अधिकारीले रोकायालाइ दुःखेसो पोखिन् ।

रोकायाले आफूलाई ३ लाख दिएमा जसरीपनि पास गराउने बताए । अधिकारीले आफुले एकैपटक ३ लाख दिन नसक्ने बताइन् । रोकायाले सुरुमा २ लाख ३० हजार र पास भएपछि ७० हजार दिएपनि हुने बताए ।
 
अधिकारीले स्वीकारीन । र, उनले २०७४ असोजमा धरानबाट ५० हजार आइएमइ गरिन । २०७४ माघ १७ गते ५० हजार  र २०७४ माघ २३ गते पुनः ३० हजार रकम आइएमइ बाट रोकायाको नाममा पठाइन अधिकारीले । त्यतिमात्रै हैन, उनले २०७५ जेठ २४ गते थप १ लाख रकम रोकायाले भनेको त्रिलोकसिं खत्रिको नाममा पठाइन । खत्रिको राष्ट्रिय वाणिज्य बैंकको खातामा अधिकारले रमक पठाइन । 

६०३०२६/३ नागरिकता नम्बर र , ९८५१००४७५० र ९७४८०८२६५० मोबाइल नम्बर भएका रोकायाले पटक पटक आइएमइ र बैंकहरुबाट रमक लिएको नेपाल समयले कागजातहरु पाएको छ ।



पैसा फिर्ता माग्दा बलात्कार समेत मिलाएको भन्दै ज्यान मार्ने धम्कि

पटकपटक गरेर २ लाख ३० हजार रोकायाले लगेपछि परिक्षाको रिजल्ट आयो । तर, अधिकारी फेल भइन । उनले त्यसपछि पैसा माग्न थालिन । पैसा माग्न थालेपछि रोकायाले धम्कि दिन थाले । 

अधिकारीले कि मेरो काम होस कि पैसा फिर्ता दिनुस भन्दा फेसबुक म्यासेजमा रोकाया धम्क्याउछन, 'रेप केस त मिलाए । जे गर्न सक्छेस गर ।' पैसा मागेमा सिटिइभिटिबाट रेजिष्टेसन नम्बर खारेज गर्ने र पावर सो गर्ने सम्मको धम्कि रोकायाले च्याटमा दिएका छन्।


 
गुन्डा नाइके चक्रे मिलन र कर्णाली प्रदेशका नेकपाका सांसद यमलाल कँडेलसँगका तस्बिरहरु सामाजीक संजालमा राखेर आफु शक्तिशाली भएको धम्कि दिने अधिकारीले बताइन् । अधिकारी मात्रै हैन दर्जनौँ महिलालाइ रोकायाले यस्तैगरी ठग्ने गरेको पाइएको छ ।

रोकायाले ठगेको भन्दै धरान प्रहरीमा उजुरी

पटक-पटक लाखौँ रमक लिएर दर्जनौँ युवतीहरुलाइ ठगी गरेका रोकायाको विरुद्धमा धेरैले आवाज नउठाएको अधिकारीले बताइन् । तर, आफुले भने धरान प्रहरीमा उजुरी दिएको  बताइन । २०७५ फागुन ५ गते अधिकारीले उजुरी दिएपनि अहिलेसम्म रोकाया पक्राउ परेका छैनन् । 

यता, इलाका प्रहरी कार्यालय धरानका डिएसपी सुनम तिम्सिनाले भने ठगीको मुद्धा सरकारवादी भएको भन्दै पीडितको सुरक्षा  र अनुसन्धापछि दोष प्रमाणित भएपछि कारबाही हुने बताउँछन् । उनले भने, 'ठगीको मुद्धामा प्रहरीले धेरै गम्भिर भएर अनुसन्धान गर्छ । दोषीलाइ कसुर अनुसार कारबाही हुन्छ ।'