काठमाडौं- नेपाली खेलाडी सन्दिप छामिछाने खेल्दै आएको टिम दिल्ली क्यापिटल्स इन्डियन प्रिमियर लिग आईपीएल ट्वेन्टी–ट्वेन्टी क्रिकेट प्रतियोगिताको प्ले-अफ्मा छनोट भएको छ ।
आइतबार राति दिल्लीमा भएको खेलमा रोयल च्यालेन्जर्स बैंङ्लोरलाई हराउँदै दिल्ली प्ले–अफ्मा छनोट भएको हो । प्ले–अफ्मा छनोट हुने क्रममा दिल्लीले बैंङ्लोरलाई १६ रनले हरायो ।
खेलमा पहिले ब्याटिङ गरेको दिल्लीले श्रेयर ऐयरको ५२ रन तथा शिखर धवनको ५० रनको मद्दतले १ सय ८७ रन बनायो । जवाफमा १ सय ८८ रनको लक्ष्य पछ्याएको बैंङ्लोर १ सय ७१ रनमै समेटियो । यो खेलमा दिल्लीका नेपाली बलर सन्दिप लामिछानेले ३ ओभर बलिङ गरेर ३६ रन दिए पनि विकेट लिन भने सकेनन् ।
जितसँगै दिल्ली १२ खेलबाट १६ अंक जोड्दै तालिकाको शीर्ष स्थानमा उक्लिएको छ । दिल्ली ६ वर्षपछि आईपीएल क्रिकेटको प्ले अफ्मा छनोट भएको हो ।
आईपीएलकै अर्को खेलमा मुम्बई इन्डियन्सलाई ३४ रनले हराउँदै कोलकाता नाइट राईडर्सले पनि प्ले–अफ्मा पुग्ने सम्भावना जिवित राखेको छ ।
प्रकाशित: Dec 31, 2017| 18:23 आइतबार, पुस १६, २०७४