काठमाडौं- एसीसी यू-१६ पूर्वी क्षेत्रिय क्रिकेट प्रतियोगितामा नेपाल हङकङलाई पराजित गर्दै फाइनल प्रवेश गरेको छ । शनिबार भएको खेलमा नेपालले हङकङलाई ४ विकेटले पराजित गर्दै फाइनल प्रवेश गरेको हो ।
हङकङले दिएको ८७ रनको सामान्य लक्ष्य पछ्याएको नेपालले २१.४ ओभरमा ६ विकेट गुमाउँदै उक्त लक्ष्य भेट्टाएको हो । नेपालको जितका लागि आशिष भट्टराईले १७ रन बनाए ।
त्यस्तै रोहन दुदराज बिकले १४, कृष्ण कार्कीले १२, दिपक बोहोराले ११ र सुवाष अएरले १० रन बनाए । हङकङका ब्रिज नरेन सिवपुरीले ३ तथा आहान खान्हाई त्रिबेदीले २ विकेट लिए ।
यसअघि टस जितेर पहिले ब्याटिङ गरेको हङकङले ३२.२ ओभरमा सबै विकेट गुमाउँदै मात्र ८६ रनमा बनाएको थियो । हङकङका लागि आरुश भगतले सर्वाधिक ४३ रन बनाउनु बाहेक अन्य ब्याट्सम्यानले नेपाली बलर सामु खुलेर रन बटुल्न सकेनन् ।
हङकङलाई सस्तैमा समेट्न नेपालका लागि निखिल कुमार सिंहले ४ तथा विशाल कुमार पटेल र रमेश कुर्मीले समान दुई खुई र तिलक राज भण्डारीले १ विकेट लिए । साविकको विजेता समेत रहेको नेपालले अब उपाधिका लागि मलेसियासँग आइतबार खेल्नेछ ।
प्रकाशित: Dec 31, 2017| 18:23 आइतबार, पुस १६, २०७४