काठमाडौं - तारा एयरलाइन्सको विमान दुर्घटनामा परेको छ। रामेछाप विमानस्थलमा ल्यान्ड गर्ने क्रममा विमान दुर्घटनामा परेको हो।
सोलुखुम्बुको फाप्लुबाट रामेछाप आएको नाइन एन एकेके कलसाइनको डोर्निएर जहाज सोमबार दुर्घटनामा परेको रामेछाप नागरिक उड्डयन प्राधिकरणका प्रमुख अमितकुमार चौरसियाले जानकारी दिए। दुर्घटनामा परी कुनै मानवीय क्षती भने भएको छैन।
काठमाडौंबाट लुक्काका लागि उडान भरेको विमान मौसम खराबीका कारण त्यहाँ अवतरण गर्न नसकेपछि रामेछापको मन्थली विमानस्थलमा फर्किएको थियो। विमानमा १४ जना यात्रु थिए । विमान ठूलो दुर्घटना बचेको चौरसियाले बताए।
जहाज ल्याण्ड गर्ने क्रममा धावनमार्गबाट चिप्लिएर रन वेको पश्चिमतर्फको घाँसे मैदानतर्फ गएर रोकिएको छ । दुर्घटनाबाट जहाजको अगाडिको भागमा क्षति पुगेको छ। दुर्घटनापछि एयरपोर्ट बन्द भएको छ।
प्रकाशित: Dec 31, 2017| 18:23 आइतबार, पुस १६, २०७४