काठमाडौं - वसुन्धरा–मान प्रज्ञाप्रतिष्ठानले यो वर्षको ‘वसुन्धराश्री पुरस्कार’ कलाकार एवं हास्यव्यङ्ग्यकार मदनकृष्ण श्रेष्ठ र ‘मानश्री पुरस्कार’ हरिवंश आचार्यलाई प्रदान गर्ने निर्णय गरेको छ।
हास्यव्यङ्ग्य, नाटक, चलचित्र र टेलिचलचित्रहरुमा सिर्जना तथा अभिनयद्वारा नेपाली कला, रङ्गमञ्च र हास्यव्यङ्ग्य क्षेत्रलाई सार्थक, समृद्ध र समुन्नत बनाई नेपाली वाङ्मयलाई वैभवशाली तुल्याउन योगदान गरेबापत कलाकार श्रेष्ठ र आचार्यलाई सम्मानपत्रसहित रु ५०/५० हजार राशिका उक्त पुरस्कार प्रदान गर्ने निर्णय गरिएको हो।
प्रकाशित: Dec 31, 2017| 18:23 आइतबार, पुस १६, २०७४