बाँके- आठौ राष्ट्रिय खेलकुद प्रतियोगिता अन्तर्गत पुरुष टि-२० क्रिकेटमा समुह बी मा प्रदेश एक र दुई विजयी भएका छन् । कोहलपुर क्रिकेट मैदानमा शुक्रबार भएको पहिलो खेलमा प्रदेश एकले प्रदेश तीनलाई २० रनले पराजित गरेको हो ।
प्रदेश एकले दिएको १ सय ७ रनको लक्ष्य पछ्याएको प्रदेश तीनले १८.३ ओभरमा सबै विकेट गुमाउँदै मात्र ८६ रन बनाउन सक्यो । प्रदेश तीना लागि रबिन जोसीले सर्वाधिक २४ रन जोडे । उनले २३ बल खेल्दै ४ चौका प्रहार गरेका थिए ।
त्यस्तै इसान पाण्डेयले ३० बलमा दुई चौका प्रहार गर्दै २० रन तथा हेमाज पौडेलले १५ रन जोड्न बाहेक अन्य ब्याट्सम्यानले दोहोरो अंकमा रन छुन सकेनन् । प्रदेश तीनलाई सस्तैमा समेट्न दिपेश कंडेलले ४ विकेट लिए । पुस्प थापा, फिर्दोस अन्सारी र श्रवन यादवले समान एक एक विकेट लिए ।
यसअघि टस हारेर पहिले ब्याटिङको निम्तो पाएको प्रदेश एकले निर्धरित २० ओभरमा ८ विकेट गुमाउँदै १ सय ६ रन जोडेको थियो । प्रदेश एकका लागि पुस्प थापाले सर्वाधिक २४ रन जोडे । ३६ बल खेलेक पुस्पले एक छक्का प्रहार गरेका थिए ।
त्यस्तै सन्नी पुन र रजन मगरले समान १२,श्रवन यादवले ११ रन जोडेका थिए । प्रदेश एकले २० रन अतिरिक्त पाएको थियो । प्रदेश तीनका लागि सोनु देवकोटाले दुई तथा अन्दन यादव, र्गातम केसी, इसान पाण्डेय र सोनु तामाङले एक एक विकृट लिए ।
त्यस्तै शुक्रबारनै भएको दोस्रो खेलमा प्रदेश दुईले प्रदेश ६ लाई ९ विकेटले पराजित गरेको हो । प्रदेश ६ ले दिएको ५८ रनको सामान्य लक्ष्य प्रदेश दुईले ११.४ ओभरमा मात्र एक विकेट गुमाउँदै उक्त लक्ष्य भेट्टाएको हो । प्रदेश दुईका लागि हरी शंकरले सर्वाधिक ३३ रन जोडे ।
उनले ३३ बलको सामना गर्दै ४ चौका र एक छक्ककाको मद्दतमा ३३ रन जोडेका हुन् । त्यस्तै सुधिर चौधरीले १४ तथा हासिम अन्सारीले २ रन जोडे । प्रदेश ६ का लागि रबिन्द्र जंग साहीले एक विकेट लिए ।
यसअधि प्रदेश ६ का लागि दिवान पुन र रबिन्द्र जंग साहीले समान ११-११ रन जोड्न बाहेक अन्य ब्याट्सम्यानले दोहोरो अंकमा रन छुन सकेनन् । प्रदेश ६ लाई सस्तैमा समेट्न प्रदेश दुईका कुमार थापाले ४ विकेट लिए । त्यस्तै हरि कंकर साहले दुई तथा राहुल प्रताप सिंहले एक विकेट लिए ।
प्रकाशित: Dec 31, 2017| 18:23 आइतबार, पुस १६, २०७४