राजविराजमा आगलागी

सप्तरी – सप्तरीको राजविराजस्थित मुख्य बजारमा बुधबार आगलागी भएको छ। आगलागीबाट राजविराजस्थित शहीद दशन चोकमा रहेका सात पसल जलेर नष्ट भएका  छन्।

राजविराजको मुख्य बजारमा लागेको आगो नियन्त्रणमा लिन राजविराज र हनुमाननगर कङ्कालिनी नगरपालिकाको वारुणयन्त्रलाई तीन घण्टा लागेको थियो। बिजुली सर्ट भई पशुपति स्टोरबाट आगलागी सुरु भएको जिल्ला प्रहरी कार्यालयले जानकारी दिएको छ।
 
पसलमा लागेको आगोका कारण रेडिमेड कपडा, फ्रिज, मोबाइल, घडी, मदिरा, भाँडाकुँडा  जलेर नष्ट भएका छन्।  घटनाबारे अनुसन्धान भइरहेको र क्षतिको विवरण लिन सुरु गरिएको प्रहरीले बताएको छ।