मुख्यमन्त्री सहभागी कार्यक्रमको 'स्टेज' भाँचियो, चार घाइते 

धनगढी – सुदूरपश्चिम प्रदेशका मुख्यमन्त्री त्रिलोचन भट्ट सहभागी कार्यक्रमको स्टेज भाँचिएको छ। स्टेज भाँचिदा ४ जना घाइते भएका छन् तर मुख्यमन्त्री भने सकुसल रहेका छन्।

डडेल्धुराको अजयमेरु महोत्सवको उद्घाटन कार्यक्रम सञ्चालन भइरहेको बेला स्टेज भाँचिएपछि ४ जना घाइते भएका हुन्। मुख्यमन्त्री भट्टको प्रमुख आतिथ्यतामा कार्यक्रम सञ्चालन भइरहेका बेला स्टेज भाँचिएको हो।

अजयमेरु गाउँपालिकाले ‘कृषि पर्यटन, कला संस्कृति र खेलकुलको विकासमा हाम्रो अभियान, अजयमेरु महोत्सव मार्फत गाउँपालिकाको पहिचान’ भन्ने मूल नाराका साथ महोत्सव आयोजना गरेको हो। स्टेज भाँचिएपनि सामान्य मर्मत गरेर महोत्सव उद्घाटन गरिएको छ।