पेरिसको क्याथेड्रलमा भीषण आगलागी

पेरिस - पेरिसस्थित मध्ययुगीन नोट्रि डेम क्याथेड्रलमा भीषण आगलागी हुँदा भवनमा आंशिक क्षति भएको छ।

साढे आठ सय वर्ष पुरानो गोथिक भवनको शिखर र छाना खसेको छ। यद्यपि दुईवटा बेल टावरसहित प्रमुख संरचना जोगिएको अधिकारीहरूले बताएका छन्। टोलीहरूले क्याथेड्रलभित्र रहेका कलाकृतिलाई जोगाउन सफल भएका छन्। 

राष्ट्रपति इम्यानुएल म्याक्रोंले आगलागीलाई एउटा ठूलो विपद्को संज्ञा दिएका छन्। आगलागीको कारण अझै स्पष्ट हुन सकेको छैन।

अधिकारीहरूले जीर्णोद्धार कार्यसँग आगलागीको सम्बन्ध हुन सक्ने बताएका छन्। ढुङ्गाहरू चर्किन थालेपछि क्याथेड्रल भत्किन सक्ने आशंकामा त्यसको जीर्णोद्वार थालिएको थियो।

घटनाबारे अनुसन्धान थालिएको छ।