एजेन्सी – भारतमा लोकसभाका लागि बिहीबार भएको पहिलो चरणको निर्वाचन सम्पन्न भएको छ। आज साँझ ५ बजेसम्म उत्तरप्रदेशको आठै सिटमा ६०% तथा बिहारको चार सीटमा ५०% मतदान भएको भारतीय निर्वाचन आयोगले जनाएको छ।
पश्चिम बंगालमा ३ बजे सम्म ७०% तथा महाराष्ट्रमा ४६.१३% मतदान भएको बताइएको छ। पहलो चरणमा १८ राज्यमा तथा २ केन्द्र शासित प्रदेशहरुमा जम्माजम्मी ९१ स्थानहरु सामेल छन्।
निर्वाचन आयोगका अनुसार जम्मा १२७९ उम्मेद्वार मैदानमा रहेका छन्। यसको फैसला १४ करोड २० लाख ५४ हजार ९७८ मतदाताले गर्ने छन्। जसमा ७ करोड २१ लाख पुरुष तथा ६ करोड ९८ लाख महिला मतदाता छन्। मतदानका लागि १.७० लाख मतदान केन्द्र तयार पारिएका छन्।
प्रकाशित: Dec 31, 2017| 18:23 आइतबार, पुस १६, २०७४