काठमाडौं- नेपालको बेरुजु रकम पौने ७ खर्ब रूपैयाँभन्दा बढी पुगेको छ। शुक्रबार महालेखा परीक्षक टंकमणि शर्माले राष्ट्रपति विद्यादेवी भण्डारीलाई बुझाएको महालेखापरीक्षकको कार्यालयको ५८औं वार्षिक प्रतिवेदनमा मुलुकको बेरुजु रकम पौने ७ खर्बभन्दा बढी पुगेको उल्लेख गरिएको हो।
सरकारी निकायको अन्तिम लेखापरीक्षण गरी तयार पारिएको प्रतिवेदनमा आर्थिक वर्ष २०७६/०७७ मा बेरुजु रकम १ खर्ब ४ अर्ब ३९ करोड रुपैयाँ पुगेको उल्लेख छ। अघिल्लो वर्षसम्म कुल बेरुजु रकम ६ खर्ब ६४ अर्ब ४४ करोड रुपैयाँ रहेकामा यस वर्ष ६ खर्ब ७६ अर्ब ४१ करोड रुपैयाँ पुगेको महालेखापरीक्षकको कार्यालयले जानकारी दिएको छ।
‘यो वर्ष संघीय र प्रदेश, सरकारी कार्यालय, स्थानीय तह संगठित संस्था, समिति र अन्य संस्थतर्फ लेखापरीक्षणबाट १ खर्ब ४ अर्ब ३९ करोड रुपैयाँ बेरुजु औंल्याइएको छ,’ प्रतिवेदनमा उल्लेख छ।