काठमाडौं - वीर अस्पतालको ओपीडी कक्षामा लगाएको ताला प्रहरीले खुलाएपछि चिकित्सकले अस्पतालको प्रांगणमै बिरामीको जाँच गरेका छन्। समायोजनप्रति असन्तुष्टि जनाउँदै आएका सरकारी चिकित्सकले शुक्रबारदेखि देशभरका अस्पतालमा आकस्मिक बाहेकका सेवा ठप्प पारेका छन्। सरकारले काममा फर्कन आग्रह गरेपनि उनीहरुले सरकारी निर्देशनको अवज्ञा गर्दै आएका छन्।
डाक्टरहरुले बिरामी जाँच्न थाले पनि अत्यावश्यक बाहेकका अपरेसनको काम भने गरेका छैनन्। यसबाट अपरेसनका लागि पालो कुरिरहेका बिरामी अलपत्र परेका छन्। बुधबार वीर अस्पतालको प्राङ्गणमै उनीहरुले विरोध जनाउँदै बिरामीहरुको स्वास्थ्य जाँच गरेका छन्।
प्रकाशित: Dec 31, 2017| 18:23 आइतबार, पुस १६, २०७४