चैतमै साउने झरीको झल्को कहिलेसम्म ? 

काठमाडौं- पश्चिमी वायुको प्रभावका कारण काठमाडौँ उपत्यकासहित देशका अधिकांश ठाउँमा वर्षा भएको छ । केहिदिन यता मौसममा देखिएको बद्लावसँगै मंगलबार बिहानै देखि वर्षा भइरहेको छ ।
 
मध्य र पूर्वी क्षेत्रका धेरै र पश्चिमी भेगका केही ठाउँमा मेघगर्जन र हुरीबताससहित पानी परिरहेको जल तथा मौसम पूर्वानुमान महाशाखाले जनाएको छ। नवलपरासी, चितवन, पर्सा लगायतका जिल्लामा भने चट्याङसहित वर्षा भइरहेको मौसमविद् विभुति पोखरेलले नेपाल समयलाई जानकारी दिइन ।
 
पोखरा आसपासको क्षेत्रबाट विकास भएको पानी पार्ने प्रणालीका कारण त्यसदेखि पूर्वको क्षेत्रमा बढि प्रभाव देखिएको उनले बताइन् । वर्षा क्रमश पुर्वी क्षेत्रमा बढ्दै जाने मौसम पूर्वानुमान महाशाखाले जनाएको छ। 

आज पानी पर्ने र बेला बेला घाम लाग्ने छ भने भोलि अपरान्हबाट पुनः मौसम बदलिने छ । मौसमविद् पोखरेलका अनुसार पर्सी बिहिबार पनि अपरान्हबाट मेघगर्जनसहित वर्षा हुनेछ ।  माथिल्लो वायु मण्डलमा पश्चिमि वायुको प्रभाव रहेको र न्युन चापिय रेखा मध्य र पूर्वमा रहेका कारण वर्षाको क्रम बढेको मौसमविद्हरुको भनाइ छ । 

बंगालको खाडीबाट जलवाष्पयुक्त वायु र स्थानीय रुपमा विकसित भएको वायुका कारण पनि वर्षाको क्रम बढेको मौसमविद् पोखरेल नेपाल समयलाई बताइन । यसपटक प्रि मनसुन सक्रिय भएकै कारण साउनमा जसरी चैतमा पानी परेको उनले जानकारी दिइन् । 

यस्तो हुनेछ अबको तीन दिनको मौसम 

चैत्र २६ गते (मंगलबार):

दिउँसोः देशका पूर्वी र मध्य भु-भागमा सामान्य बदली र पश्चिमि भु-भागमा  आंशिक बदली रहनेछ । देशको पूर्वि र मध्य भू-भागका केहि स्थानमा र पश्चिमका १-२  स्थानहरुमा मेघ गर्जन सहित वर्षाको संभावना देखिन्छ। पूर्वि र मध्य तराईका केहि स्थानहरुमा हुरि बतास चल्ने संभावना छ । हिमालि भेगका केहि स्थानहरुमा हल्का देखि मध्यम हिमपातको संभावना छ ।

राति:  देशका पूर्वी र मध्य भु-भागमा आंशिक देखि सामान्य बदली र बांकि भु-भागमा आंशिक बदली रहनेछ । देशको पुर्वी तथा मध्य भू-भागका केहि स्थानमा र पश्चिमी भू-भागका एक वा दुई स्थानमा मेघ गर्जनका  साथ हल्का वर्षाको संभावना देखिन्छ। पूर्वि तथा मध्य तराईका केहि स्थानहरुमा हुरि बतास चल्ने संभावना छ | मध्य र पूर्वी हिमालि भेगका केहि स्थानहरुमा हल्का देखि मध्यम हिमपातको संभावना छ ।

 चैत्र २७ गते (बुधवार):

दिउँसोः देशको प्राय स्थानहरुमा मौसम सामान्यतया सफा रहनेछ तथापि अपरान्ह पश्चात सामान्य बदलि भई मेघ गर्जन सहित हल्का वर्षाको संभावना छ ।

राति: देशभरि आंशिक बदलि रहनेछ । देशको थोरै स्थानमा मेघ गर्जन सहित हल्का वर्षाको संभावना छ ।

 चैत्र २८ गते (बिहीबार):

दिउँसोः देशका पूर्वी र मध्य भु-भागमा आंशिक देखि सामान्य बदली र बांकि भु-भागमा आंशिक बदली रहनेछ । देशको पुर्वी तथा मध्य भू-भागका केहि स्थानमा र पश्चिमी पहाडी भू-भागका थोरै स्थानमा मेघ गर्जनका  साथ हल्का वर्षाको संभावना देखिन्छ।

राति: देशका पूर्वी र मध्य भु-भागमा आंशिक देखि सामान्य बदली र बांकि भु-भागमा आंशिक बदली रहनेछ । देशको पुर्वी तथा मध्य भू-भागका केहि स्थानमा र पश्चिमी पहाडी भू-भागका एक वा दुई स्थानमा मेघ गर्जनका  साथ हल्का वर्षाको संभावना देखिन्छ।