प्रदीप गिरिलाई भेटेपछि निधिले भने- उहाँको स्वास्थ्य स्थिति सामान्य छ

काठमाडौं- कांग्रेस उपसभापति विमलेन्द्र निधिले भारतको मुम्मईस्थित हिन्दूजा अस्पतालमा उपचाररत नेता तथा समाजवादी चिन्तक प्रदीप गिरिलाई भेटेका छन्। 

घाँटीमा जटिल समस्या देखिएपछि उपचारका लागि मुम्बई पुगेका गिरिको स्वास्थ्य स्थिति बुझ्न र थप उपचारको प्रबन्ध मिलाउन उपसभापति निधि बिहीबार बिहान दरभंगा हुँदै मुम्बई पुगेका थिए। 

'गिरिको घाँटीको दाहिनेपट्टि ट्युमर देखिएको रहेछ, त्यसलाई डाक्टरहरूले काटेर फालेका छन्,' उपसभापति निधिले भने, 'अहिले उहाँको स्वास्थ्य सामान्य छ। आत्तिनुपर्ने केही छैन।'

गिरिको उपचारमा डा सुल्तान प्रधानको टिम संलग्न छ।