काठमाडाैं - मलेसियामा बस दुर्घटनामा परी २ नेपाली कामदारको ज्यान गएको छ। ज्यान जानेमा रामु चौधरी र जगन्नाथ सिंह दनुवार रहेका छन्। दुर्घटना आइतबार राति भएको हो। दुर्घटनामा परी २ नेपालीसहित ११ जनाको मृत्यु भएको छ। दुर्घटनामा अन्य ३४ जना घाइते भएका छन्। घाइते हुनेमा केही नेपाली कामदारसमेत रहेका छन्।
दुर्घटना क्वालालम्पुर विमानस्थल नजिकै भएको हो। बस सडकबाट चिप्लेर १० मिटर तल रहेको नालीमा खसेको थियो। बसमा सवार सम्पूर्ण कामदार रहेका र उनीहरु काममा जाँदै गर्दा दुर्घटनामा परेका बताइएको छ।
बसका चालक मलेसियाका रहेका र उनकोसमेत मृत्यु भएको मलेसिया प्रहरीले जनाएको छ। घटनाबारे प्रहरीले अनुसन्धान सुरु गरेको छ।
प्रकाशित: Dec 31, 2017| 18:23 आइतबार, पुस १६, २०७४