काठमाडौं– राजधानीबाट प्रकाशित आइतबारका राष्ट्रिय दैनिक अखबारहरुले विविध विषयका खबरलाई प्राथमिकतामा पारेका छन् ।
कान्तिपुर दैनिकले चटपटेको भरमा हुरीपीडित शीर्षकमा मुख्य समाचार छापेको । सामुहिक मेस बन्द भएपछि हुरी प्रभावित क्षेत्रका बासिन्दा चिउरा, चाउचाउ, बिस्कुट, भुजा खाएर छाक टारिरहेका छन् । दाल चामल भएपनि भाँडाकुँडा नहुँदा पकाएर खान नपाएको समाचारमा उल्लेख छ ।
यस्तै कान्तिपुर कागमा समेत बर्डफ्लु भेटिएको विषयलाई एङ्कर न्यूज बनाएको छ ।
राजधानीको नारायणहिटी राजदरबार क्षेत्रका कागमा बर्डफ्लु देखिएको छ । लैनचौरस्थित ब्रिटिस दूतावास र राहदानी विभाग क्षेत्रमा मरेका करिब २ सय कागमा बर्डफ्लु (एच५एन१) रहेको पुष्टि भएको समाचारमा जनाइएको छ ।
सरकारले विश्व पशु स्वास्थ्य संगठनमा पठाएको प्रतिवेदनअनुसार कागहरू चैत ३ देखि मर्न थालेका थिए । प्रयोगशाला परीक्षणबाट चैत ७ मा ती कागमा बर्डफ्लु (एच५एन१) रहेको पुष्टि भएको थियो । यस्तै काठमाडौं, ललितपुर, भक्तपुर, सर्लाही र मोरङका केही कुखुरा फार्ममा संक्रमण पुष्टि भएको छ ।
आजको नागरिक दैनिकले भने सरकारी जग्गामा भाटभटेनी र गैरआवासीय नेपालीको संघको भवन बनाएको खुलासा गरेको छ । डिल्लिबजार मालपोट कार्यालयका कर्मचारीसँग मिलेर सरकारले अधिग्रहण गरेको जग्गामा भाटभटेनी र एनआरएनको भवन बनाएको तथ्य खुलासा भएको हो ।
यस्तै नागरिकले प्रधानन्यायाधीश चोलेन्द्रशमशेर जबराले सर्वोच्च अदालतका लागि न्यायाधीश सिफारिस गर्दा आफूले हिरा टिपेर ल्याएको दाबी गरेको विषयलाई मुख्य समाचार बनाएको छ । न्यायाधीश समाजको वार्षीक साधरण सभामा बोल्दै प्रधानन्यायाधीश राणाले पिएचडी होल्डरलाई न्यायाधीशमा ल्याउन आफूले प्रयत्न गरेको भन्दै सहयोग गर्न आग्रह समेत गरेका छन् ।
आजको नयाँ पत्रिकाले भने न्यायाधीशहरुको राष्ट्रिय सम्मेलन विवादमा परेको विषयलाई मुख्य समाचार बनाएको छ। सम्मेलनमा न्यायाधीशहरुले प्रधानन्यायाधीशको कटाक्ष गरेका थिए । उनीहरुले धुलो आफ्नो अनुहारमा छ तर ऐना सफा गर्ने काम मात्रै प्रधानन्यायाधीशबाट भएको भन्दै कडा टिप्पणी गरेका थिए ।
प्रकाशित: Dec 31, 2017| 18:23 आइतबार, पुस १६, २०७४