काठमाडौं- आईसीसी यू-१९ विश्वकप क्रिकेट छनोटका लागि नेपाली राष्ट्रिय क्रिकेट यू-१९ टोली मलेसियामा प्रस्थान गरेको छ । एसिया छनोट खेल्न १४ सदस्सीय नेपाली टोली शनिबार मलेसिया प्रस्थान गरेको हो ।
प्रतियोगिता मलेसियामा १० अप्रिल देखि २० तारिख सम्म योजना हुने छ । एसिया छनोटमा नेपालसहित मलेसिया, सिंगापुर, युएई, कुवेत र ओमन गरी ६ टोलीले प्रतिस्पर्धा गर्ने छन् ।
विजेता टोलीले सन् २०२० मा दक्षिण अफ्रीकामा आयोजना हुने विश्वकपमा स्थान बनाउने छन् । नेपालले छनोट खेल्न पूर्व भारतको आन्ध्र प्रदेशमा विशेष प्रशिक्षण गरेकाले उक्त छनोट प्रतियोगितामा राम्रो प्रदर्शन गर्ने विश्वास रहेको टोलीका प्रशिक्षक विनोद दासले बताए ।
उनले सिनियर टोलीमा खेली सकेका खेलाडी भएका कारण छनोट प्रतियोगितामा सफल हुने प्रशिक्षक दासको बताए । यस अघि नेपालले आन्ध्र प्रदेशको यू-१९ टोलीसँग थियो ६ अभ्यास खेल खेलेको थियो ।
छनोट खेल्ने नेपाली टोलीलाई शनिबार राष्ट्रिय खेलकुद परिषदका सदस्यसचिव केशव कुमार बिष्ट र राष्ट्रिय पुरुष टोलीका मुख्य प्रशिक्षक जगत टमटाले विदाई गरे ।
प्रकाशित: Dec 31, 2017| 18:23 आइतबार, पुस १६, २०७४