काठमाडौं - युएईको आबुधाबीमा ट्याक्सी दुर्घटना हुँदा २ नेपालीको मृत्यु भएको छ। उपचारका लागि अस्पताल जाँदै गरेका नेपाली सवार ट्याक्सी दुर्घटनामा परेको हो।
दुर्घटनामा परी मृत्यु हुनेमा नवलपरासी कावासोतीका निरोज परियार र स्थायी ठेगाना नखुलेका शान्ति विश्वकर्माको रहेका छन्। दुर्घटनामा परी २ जना गम्भीर घाइते भएका छन्। घाइते २ को पनि परिचय खुलेको छैन्।
उनीहरु सवार ट्याक्सीलाई कारले ठक्कर दिँदा दुर्घटना भएको बताइएको छ। मृतकको शव अबुधाबीको खालिफा अस्पतालमा राखिए र गम्भीर घाइते २ को सोही अस्पतालमा उपचार भइरहेको छ।
प्रकाशित: Dec 31, 2017| 18:23 आइतबार, पुस १६, २०७४