काठमाडौं- राष्ट्रिय विकास परिषदको बैठक काठमाडौंमा सुरु भएको छ । योजना आयोगले तयार पारेको पन्ध्रौं आवधिक योजनाबारे छलफल गर्न परिषद्को बैठक बसेको हो ।
दुई दिन चल्ने बैठकको प्रधानमन्त्री केपी शर्मा ओलीले एभोकाडो, रुद्राक्ष र बोधिचित्तको बिरुवामा पानी हालेर उद्घाटन गरेका थिए । बैठकमा मन्त्री, प्रदेशका मुख्यमन्त्रीहरु, सभामुख, प्रमुख प्रतिपक्षी दलका नेता, सांसद्हरु सहभागी छन् ।
यस्तै योजना आयोगका अध्यक्ष, सदस्य, गभर्नर प्रदेश सरकारका योजना हेर्ने निकायहरु, जिल्ला समन्वय समितिका प्रमुखहरु, स्थानीय जनप्रतिनिधिलगायत करिब ३ सय ५० जना सहभागी भएका छन् । बैठकमा पन्ध्रौ आवधिक योजनाको मस्यौदाको आधारपत्र माथि छलफल र सुझाव ग्रहण गरी आधारपत्रको अन्तिम स्वरुप दिइनेछ ।
आयोगले आगामी २५ वर्षमा समुन्नत, स्वाधीन र समाजवाद उन्मुख अर्थतन्त्रसहितको समान अवसर प्राप्त, स्वस्थ, शिक्षित, मर्या्दित र उच्च जीवनस्तर भएको मुलुकको परिकल्पना गरेको छ । आयोगले विसं २१०० सम्ममा प्रतिव्यक्ति आय १२ हजार ५ सय डलर पुर्याउने मार्ग्चित्रसहित सुख र समृद्धिको सिर्जना गर्न पन्ध्रौं पञ्चवर्षीय योजना तयार पारेको हो ।
प्रकाशित: Dec 31, 2017| 18:23 आइतबार, पुस १६, २०७४