चट्याङ लागेर अछाममा १५ जना घाइते

धनगढी – हावाहुरीसँगै परेको चट्याङ लागेर अछाममा सोमबार राती ११ जना घाइते भएका छन्। जिल्लाको पन्चदेवल विनायक नगरपालिका–९ कालेकाडामा चट्याङ लागेर ११ जना गम्भीर घाइते भएका प्रहरीले जनाएको छ।

घाइते हुनेमा स्थानीय भिमपुरा नेपाली, राधिका शाही, कल्पना बोहरा, दिर्गे विक, ललु विक र जगत बोहरा रहेका रहेका छन् । घाइते अन्यको नाम खुल्न सकेको छैन। प्रहरी टोली र स्थानीय मिलेर घाइतेलाई अस्पताल लगिएको जिल्ला प्रहरी प्रमुख जनक बहादुर शाहीले जानकारी दिए।वडा अध्यक्ष रामबहादुर शाहीले घाइतेको उद्धार गर्ने कार्य जारी भएकाले एकिन संख्या भन्न नसकिने बताए।

यस्तै सोमबार राति नै जिल्लाको रामारोशन गाउँपालिका वडा नम्वर ५ मा चट्याङ लागेर ४ जना घाइते भएका छन्। घाइतेहरुको उद्धार गरि वयलपाटा अस्पताल ल्याइएको प्रहरीले जनाएको छ।