काठमाडौं- सत्तारुढ दल नेकपाका अध्यक्ष पुष्पकमल दाहाल प्रचण्ड र प्रमुख प्रतिपक्षी दल नेपाली कांग्रेसका सभापति शेरबहादुर देउवा बारा पुगेका छन् । हावाहुरीले ठूलो जनधनको क्षति भएपछि दुई नेता बाराका अलग अलग क्षेत्रको निरिक्षण गर्न पुगेका हुन् ।
प्रचण्ड बाराको अलि प्रभावित क्षेत्र फेटालगायतका क्षेत्रमा पुग्ने उनको सचिवालयले जनाएको छ । उनी विभिन्न अस्पताल पुगेर घाइतेहरुको अवस्थाका बारेमा पनि जानकारी लिने भएका छन् ।
कांग्रेस सभापति देउवा भने पार्टीका सहमहामन्त्री प्रकाशशरण महतसहितका नेताहरुका साथमा अस्पतालमा पुगेका छन् । उनले उपचारत घाइतेहरुको जानकारी लिनुका साथै पीडितलाई पार्टीले सहयोग गर्ने पनि बचन दिएका छन् । उनी प्रभावित क्षेत्रका विभिन्न स्थानको पनि स्थलगत निरिक्षण गर्दैछन् ।
यसअघि हिजो सोमबार प्रधानमन्त्री केपी शर्मा ओली प्रभावित क्षेत्रको अवस्था हेर्न बारा पुगेका थिए । उनी काठमाडौं फकिएलगतै बसेको मन्त्रिपरिषद्को बैठकले घाइतेहरुको सम्पूर्ण उपचार खर्च सरकारले बेहोर्ने निर्णय गरेको थियो ।
प्रकाशित: Dec 31, 2017| 18:23 आइतबार, पुस १६, २०७४