हुन्डरी पीडित : गाँस न बास, खुला आकाश

काठमाडौं- राजधानीबाट प्रकाशित मंगलबारका राष्ट्रिय दैनिक अखबारहरुले बारा र पर्सामा आइतबार राति हुन्डरीले मच्चाएको वितण्डालाई मुख्य समाचार बनाएका छन् । 

हावाहुरीमा परि २७ जनाको मृत्यु भएको छ भने त्यसमा ४ जना भारतीय नागरिक पनि परेका छन् । हुन्डरी पछि अहिले पीडित बस्तिमा पानी खाने गिलास समेत छैन भने ओत लाग्ने किरियापुत्रीलाई पाल पनि छैन् । बस्ने बस्ने ठाउँ नभएपछि केहिले किरिया पनि स्थगित गर्नुपर्ने दर्दनाक अवस्था बारा र पर्सामा देखिएको छ । 

रातहका लागि सरकारदेखि विभिन्न संघ संस्था सक्रिए बनेपनि सबै पीडितको हातमा राहत पुग्न सकेको छैन् । प्रदेश २ सरकारले मृतकका परिवारलाई ३÷३ लाखका दर बाड्ने घोषणा गरेको छ भने केन्द्र सरकारले हावाहुरीबाट पीडितको उपचार र आवास बनाउने जिम्मा लिएको छ । 

यसै विषयलाई मुख्य समाचार बनाउँदै नयाँ पत्रिका दैनिकले 'गाँस न बास : खुला आकाश' शीर्षकमा खबर लेखेको छ । कान्तिपुर दैनिकले '३ मिनेटमै महाविनाश' शीर्षकमा खबर छापेको छ । अन्नपूर्णले 'कहालीलाग्दो त्यो एक मिनेट' शीर्षकमा प्रमुख खबर लेखेको छ भने नागरिक दैनिकले 'बारा पर्सामा हुन्डरीको बबन्डर' शीर्षकमा खबर लेखेको छ । 

आजका पत्रपत्रिकाले मौसम पूर्वानुमान महाशाखाले पूर्वअनुमान गर्न नसक्दा यति ठूलो क्षति भएको पनि उल्लेख गरेका छन् ।

पूर्व सुचना नदिइदा र सामान्य रुपमा हावाहुरीलाई लिदा ठूलो जनधन क्षति भएको पत्रपत्रिकाले लेखेका छन् । कान्तिपुरले 'तत्काल पूर्वानुमान नहुँदा हूलो क्षति' शीर्षकमा खबर छापेको छ भने अन्नपूर्णले 'मौसमविद् नै अन्योलमा' शीर्षकमा खबर लेखेको छ ।