काठमाडाैं - राष्ट्रपति विद्यादेवी भण्डारी र प्रधानमन्त्री केपी शर्मा ओलीका अमर्यादित तस्बिर सामाजिक सञ्जालमा पोष्ट गर्ने २ जनालाई प्रहरीले पक्राउ गरेको छ। पक्राउ पर्नेमा पाल्पा परान्दी गाउँपालिका ७ घर भएका २२ वर्षीय निर्मल गैरे र रुपन्देही शंकरनगरका २३ वर्षीय यम प्रसाद पन्थी रहेका छन्।
केन्द्रीय अनुसन्धान व्युरोबाट खटिएको टोलीले गैरेलाई भक्तपुर र पन्थीलाई चितवनबाट पक्राउ गरेको हो। पक्राउ परेका माथि बिद्युतीय (ईलेक्ट्रोनिक) कारोबार ऐन, २०६३ अन्तर्गतको मुद्दामा आवश्यक अनुसन्धान कार्य भइरहेको प्रहरीले जानकारी दिएको छ।
प्रकाशित: Dec 31, 2017| 18:23 आइतबार, पुस १६, २०७४