जनकपुरधाम - प्रदेश २ मा एसइईको स्थगित परीक्षा २२ चैतदेखि २९ गतेसम्म हुने भएको छ । राष्ट्रिय परीक्षा बोर्डले परीक्षा २२ चैतदेखि २९ गतेसम्म लिने निर्णय गरेको छ । बोर्डको सोमबार बसेको बैठकले यस्तो निर्णय गरेको हो।
चैत १० गते सुरु भएको परीक्षाको चौथो दिन रद्द भएको विज्ञान विषयको परीक्षा २२ गते लिने बोर्डले यसअघि नै निर्णय गरिसकेको छ। बोर्डले सार्वजनिक गरेको नयाँ तालिकाअनुसार २३ गते सामाजिक, २४ गते स्वास्थ्य तथा जनसंख्या, २५ गते ऐच्छिक प्रथम, २६ गते ऐच्छिक द्वितीय र २७ देखि २९ गतेसम्म प्राविधिक विषयहरुको परीक्षा लिइनेछ।
परीक्षाको चौथो दिन परीक्षाअगाबै प्रश्नपत्र बाहिरिएको सूचना सार्वजनिक भएपछि विज्ञान विषयको परीक्षा रद्द गरिएको थियो भने पाँचौ दिन समाजिक विषयको परीक्षा हुनुपूर्व स्थगित गरिएको थियो। परीक्षा स्थगित गरिएको विरोधमा प्रदेश २ का विभित्र स्थानहरुमा विद्यार्थीहरुले प्रदर्शन गरेका थिए।
परीक्षा तालिका
२२ गते : विज्ञान
२३ गते : सामाजिक
२४ गते : स्वास्थ्य तथा जनसंख्या
२५ गते : ऐच्छिक प्रथम
२६ गते : ऐच्छिक द्वितीय
२७ देखि २९ गते : प्राविधिक विषय
प्रकाशित: Dec 31, 2017| 18:23 आइतबार, पुस १६, २०७४