जनकपुरधाम- बारा र पर्सामा हावाहुरीका कारण घाइते भएकाहरुको उपचारका लागि रगत अभाव भएको छ । हावाहुरीबाट पाँच सयभन्दा बढी स्थानीय घाइते भएपछि उपचारका लागि वीरगन्ज अस्पतालमा रगतको अभाव भएको हो ।
एकैचोटि धेरै घाइतेहरुलाई रगतको आवश्यक पर्दा रगत अभाव भएको जनाइएको छ । उपचारका लागि रगत अभाव भएपछि उद्वारमा खटिएका सुरक्षाकर्मी रक्तदानमा जुटेका छन् । नेपाली सेना, नेपाल प्रहरी, सशस्त्र प्रहरीका साथै सर्वसाधारण रक्तदानमा जुटेको बताइएको छ ।
प्रदेश २ का मुख्य न्यायाधिवक्ता दीपेन्द्र झाले ट्विट गर्दै रगत अभाव भएकाले रक्तदान गरेर सहयोग गर्न आग्रह गरेका छन् । वीरगन्ज अस्पतालमा रगतको अभाव भएको भन्दै तत्काल रक्तदान गरेर सहयोग गर्न झाले ट्विट गरेर आग्रह गरेका छन् ।
हावाहुरीका कारण बारा र पर्सा गरी हालसम्म ३५ जनाको मृत्यु भएको छ भने पाँच सयभन्दा बढी घाइते भएका छन् । बाराको भलुही, भरबलिया, फेटा, चैनपुर, धर्मपुरलगायतका गाउँहरु हुरीबाट बढी प्रभावित भएका छन् ।
प्रकाशित: Dec 31, 2017| 18:23 आइतबार, पुस १६, २०७४