काठमाडाैं - प्रदेश २ मा एसईईको विज्ञान विषयको प्रश्नपत्र बाहिरिएपछि परीक्षा रद्द भएको छ। परीक्षा हुनु अगावै प्रश्नपत्र बाहिरिएपछि प्रदेश दुईमा विज्ञान विषयको परीक्षा रद्द गरिएको हो। सप्तरीमा एसईई परीक्षाको एक दिन अगावै प्रश्न पत्र बाहिरिएको फेला परेको थियो।
सामाजिक सञ्जालमा प्रश्नपत्र सार्वजनिक भएको थियो। उक्त विषयको बिहीबार (आज) परिक्षा तय गरिएको थियो।
प्रश्नपत्र बाहिरिएको कुरा सत्य भएको र यसबारे छानविन भइरहेको सप्तरीका सिडिओ तथा परीक्षा समन्वय समितिका संयोजक सुरेन्द्र पौडेलले बताए। यसका विषयमा गम्भीर अनुसन्धान हुने र दोषीमाथि कारबाही गरिने उनले जानकारी दिए ।
प्रश्नपत्र आउट गर्न स्वयम केन्द्राध्यक्ष, निरीक्षक र कर्मचारीहरुको मिलेमतो रहेको हुनसक्ने आशंका गरिएको छ।
यसैबिच बिहीबार मात्रै मोबाइल मार्फत चिट चोर्दै गरेका दुई जना परीक्षार्थीलाई प्रहरीले नियन्त्रणमा लिएको छ। विभिन्न परीक्षाकेन्द्र मार्फत १० थान मोबाइल प्रहरीले कब्जामा लिएको थियो ।
प्रकाशित: Dec 31, 2017| 18:23 आइतबार, पुस १६, २०७४