दर्जन जर्नेलको जिम्मेवारी फेरबदल, सैनिक प्रवक्तामा पाण्डे 

काठमाडौं- नेपाली सेनाका १२ जना सहायकरथीहरुको जिम्मेवारी फेरबदल भएको छ ।

केही समयअघि मात्र सैनिक प्रवक्ता नियुक्त भएका सहायकरथी यामप्रसाद ढकाललगायतका सहायकरथीहरुको जिम्मेवारी परिवर्तन गरिएको छ । सहायकरथी ढकाललाई पूर्वी पृतना अन्तरगत धनकुटाको हिलेस्थित २ नम्बर बाहिनीको बाहिनीपतिको जिम्मेवारी दिइएको छ । 

सहायकरथी विज्ञानदेव पाण्डे सैनिक प्रवक्तामा नियुक्त भएका छन् । पाण्डे १९ वाहिनीमा कार्यरत थिए ।

त्यसैगरी सहायकरथीहरुमा दामोदर थापा भ्याली पृतनामा,रामनाथ ढुंगाना पोखरा पृतनामा , अर्जुन श्रेष्ठ राष्ट्रिय निकुन्ज निर्देशनालयमा, हिरालाल जोशी शान्ती सेना निर्देशनालयमा, होमनाथ दवाडी ५ बाहिनीमा सरुवा भएका छन् ।

त्यसैगरी सहायकरथी शुसिल भण्डारी १९ बाहिनी, सागर केशी कल्याणकारी निर्देशनालयको निर्देशकमा, योगराज शर्मा सम्भाररथीको कार्यालय, कुमार लामा सैनिक गूप्तचर महानिर्देशनालय र दिपक बानिया २४ बाहिनीमा सरुवा भएका छन् ।प्रधानसेनापतिको सचिवालयमा महासेनानी टंक भट्टलाई ल्याइएको छ ।