विप्लवको शिक्षक संगठनका अध्यक्षसहित २ पक्राउ

भैरहवा –प्रतिबन्धित नेत्रविक्रम चन्द विप्लप नेतृत्व सम्बद्ध अखिल नेपाल शिक्षक संगठनका रुपन्देही अध्यक्ष रामजी आचार्यलाई प्रहरीले पक्राउ गरेको छ। प्रहरीले उनलाई रुपन्देहीको रुद्रपुरबाट पक्राउ गरेको हो।

सुर्यपुरा माध्यामिक विद्यालयका सहायक प्रधानाध्यापकसमेत रहेका आचार्य हरैया बहुमुखी क्याम्पसमासमेत प्राध्यापनरत थिए। शिक्षक संगठनको केन्द्रीय सदस्य समेत रहेका आचर्यसँगै नेकपा माओवादीका जिल्ला सदस्य विष्णु तिवारी पनि पक्राउ परेको रुपन्देही प्रहरी प्रवक्ता डिएसपी धर्म भण्डारीले बताए।