धनगढी – कञ्चनपुरका एक व्यापारी मृत अवस्थामा फेला परेका छन्। पाँच दिनदेखि बेपत्ता महेन्द्रनगरस्थित प्रभात फोटोकपी सेन्टरका संचालक श्याम भट्ट मृत अवस्थामा फेला परेका हुन्।
जिल्ला प्रहरी कार्यालय कञ्चनपुरका प्रहरी नायब उपरीक्षक (डिएसपी) ज्ञान बहादुर विष्टका अनुसार बेपत्ता भट्ट भारतको टनकपुरस्थित महाकाली नदीको छेउमा मृत भेटिएका हुन्। भारतीय प्रहरीले घटनाबारे अनुसन्धान सुरु गरेको डिएसपी विष्टले जानकारी दिए।
भट्टको हत्या वा आत्महत्या के हो भन्ने कुरा भने खुल्न नसकेको प्रहरीले जनाएको छ। भट्ट चैत ९ गते बजार जान भन्दै घरबाट हिँडेका बुझिएको छ।
प्रकाशित: Dec 31, 2017| 18:23 आइतबार, पुस १६, २०७४