एजेन्सी- अन्तर्राष्ट्रिय मैत्रीपुर्ण खेलमा अर्जेन्टिनाले मोरक्कोलाई पराजित गरेको छ । मंगलबार राति भएको खेलमा अर्जेन्टिनाले मोरक्कोलाई १-० गोल अन्तरले पराजित गरेको हो ।
कप्तान लियोनल मेस्सीविना मैदान उत्रिएको अर्जेन्टिना मोरोक्कोमाथि १-० को साँघुरो जित निकालेको हो । पहिलो हाफमा गोल रहित बराबरी खेलेको खेलको दोस्रो हाफमा एन्जल कोर्रेयाले निर्णायक गोल गर्दै अर्जेन्टिनालाई जित दिलाए ।
खेलको ८३ औं मिनेटमा कोर्रेयाले निर्णायक गोल गर्दै टोलीलाई जित दिलाए । कप्तान मेस्सी यसअघि भेनेजुएलासँग भएको खेलमा कम्मरको समस्या भएपछि यस खेलमा मैदान उत्रिएका थिएनन् । यसअघि गत साता भेनेजुएलासँग भएको मैत्रिपुर्ण खेलमा अर्जेन्टिना ३-१ गोल अन्तरले पराजित भएको थियो ।
प्रकाशित: Dec 31, 2017| 18:23 आइतबार, पुस १६, २०७४