वरिष्ठ पशु विकास अधिकृत घुससहित पक्राउ

जनकपुरधाम – वरिष्ठ पशु विकास अधिकृतसहित दुई जनालाई अख्तियार दुरुपयोग अनुसन्धान आयोगको टोलीले जनकपुरबाट घुस रकमसहित पक्राउ गरेको छ।

राइबोजियम तथा घाँसेबारी बीउ बिजन प्रयोगशाला जनकपुरमा कार्यरत वरिष्ठ पशु विकास अधिकृत डा.रामगुलाम यादव र पशु प्राविधिक जागेश्वर चौधरीलाई अख्तियारको टोलीले मंगलबार घुससहित पक्राउ गरेको हो।

सम्पत्र भइसकेको कार्यको भुक्तानी आदेश दिन सेवाग्राहीसँग ४० हजार घुस लिइरहेको अवस्थामा वरिष्ठ पशु अधिकृत यादव र पशु प्राविधिक चौधरीलाई अख्तियारको बर्दिवास कार्यालयबाट गएको टोलीले पक्राउ गरेको हो।

अधिकृत यादव र प्राविधिक चौधरीले सम्पत्र भइसकेको कार्यको भुक्तानी आदेश दिन सेवाग्राहीसँग घुस मागेका थिए। पक्राउ परेका दुबै जनामाथि थप अनुसन्धान भइरहेको अख्तियार दुरुपयोग अनुसन्धान आयोगको बर्दिवास कार्यालयले जनाएको छ।