जनकपुरधाम - जनकपुरमा जारी तेस्रो सहीद कप क्रिकेट प्रतियोगितामा जनकपुर क्रिकेट क्लबले विजयी सुरुवात गरेको छ। सोमबार सम्पत्र उद्घाटन खेलमा काठमाडौंको ओएसीस क्रिकेट टिमलाई ५६ रनले पराजित गर्दै जनकपुरले पहिलो जित हात पारेको हो।
टस जितेर पहिले व्याटिङ गरेको जनकपुरले निर्धारित २० ओभरमा ७ विकेटको क्षतिमा १ सय ३१ रन बनाएको थियो। जनकपुरका लागि सुनिल चौधरीले सर्वाधिक ७० रन बनाए। ५९ बलको सामना गरेका उनले ७ चौका र २ छक्का प्रहार गरे। जनकपुरका अन्य ब्याट्सम्यानले भने सम्झनयोग्य प्रदर्शन गर्न सकेनन्।
जितका लागि १ सय ३२ रनको लक्ष्य पछ्याएको काठमाडौंको ओएसिस टिमले १८.४ ओभरमा आफ्ना सबै विकेट गुमाएर ७५ रनमात्रै जोड्न सक्यो। काठमाडौंका सुनिल धमलाले सर्वाधिक १९ रन जोडे। यस्तै राजु रिजाल र राजेश पुलामी मगरले समान १७/१७ रन जोडे।
जनकपुरका लागि उत्कृष्ट ब्याटिङ गरेका सुधिर म्यान अफ द म्याच भए।
मंगलबार हुने पहिलो खेलमा काठमाडौं र भारत विहारको दरभंगा तथा दोस्रो खेल जनकपुर र कलैयाबीच हुनेछ।
प्रकाशित: Dec 31, 2017| 18:23 आइतबार, पुस १६, २०७४