काठमाडाैं - नेकपा संसदीय दलको बैठकमा सांसदहरूले प्रदेश तथा केन्द्र सरकारबीच समन्वय अभाव भएको गुनासो गरेका छन्।
पार्टीको संसदीय दलको सोमबारको बैठकमा प्रधानमन्त्री केपी शर्मा ओलीले मात्र बोल्ने कार्यक्रम भए पनि नेकपाका केन्द्रीय सदस्य तथा सांसद यज्ञराज सुनुवारले समय लिएर यस्तो गुनासो राखेका थिए। उनको गुनासोलाई अधिकांश सांसदले समर्थन गरेका थिए। उनले विकास निर्माणका लागि प्रस्ताव गर्दा प्रदेशले केन्द्र र केन्द्रले प्रदेश सरकारसामु देखाउने गरेको गुनासो गरेका थिए।
बैठकमा बोल्दै प्रधानमन्त्री ओलीले सांसदहरुलाई आआफ्नो क्षेत्रमा गएर विकास निर्माणमा ध्यान दिन निर्देशन दिएका थिए। ‘अब तपाइँहरु गाउँ जानुस्, जनताले जे भन्छन् त्योअनुसार गर्नुस्, काठमाडौंमा फेरि एक महिनापछि भेटौंला’, ओलीलाई उधृत गर्दै एक सांसदले भने। प्रधानमन्त्री ओलीले संसद्को तेस्रो अधिवेशनमा निर्वाह गरेको भूमिकाप्रति सबै सांसदहरुलाई धन्यवाद दिएका थिए।
प्रकाशित: Dec 31, 2017| 18:23 आइतबार, पुस १६, २०७४