कर्मचारी मृत्युपछि धनगढी-अत्तरीया सडक अबरुद्ध   

कैलाली- धनगढी उप-महानगरपालिका वडा नम्बर ३ मा रहेको सुधार गृहका कर्मचारी मृत फेला परेको घटनाको छानविनको माग गर्दै धनगढी-अत्तरिया ६ लेन सडक फेरि अवरुद्ध गरिएको छ।

आज बिहान कैलालीका प्रमुख जिल्ला अधिकारीको उपस्थीतीमा वार्ता गर्ने सहमती पछि सडक सुचारु गरिएकोमा फेरि सडक अवरुद्ध गरिएको हो।

वार्ता र सडक संघर्ष संगसंगै लैजाने भन्दै फेरी सडक अवरुद्ध गरिएको स्थानीयले बताएका छन्। यस्तै ११ बजे सो विषयमा जिल्ला प्रशासन कार्यालय कैलालीमा वार्ता हुने भएको छ। धनगढी उप–महानगरपालिका वडा नम्वर ३ का अध्यक्ष बलवहादुर ऐरको अध्यक्षतामा पीडित पक्षले वार्ता गर्ने जनाएको छ।

वडा नम्वर ३ का स्थानीयले बोराडाडीमा रहेको लागु पदार्थ पुनस्थापना केन्द्रका स्टोरकिपर जनक ढुङ्गालको मृत्यु संकास्पद भएको भन्दै स्थानीयले छानविनको माग गर्दै आएका छन्। सुधारगृहमा बसेर सुधार भएका ढुंगाल त्यहि जागिर गर्थे । उनको केही दिन पहिले कोठामै शंकास्पत शब भेटिएको थियो ।