काठमाडौं – अर्थशास्त्री प्राध्यापक डाक्टर मदन दाहालको निधन भएको छ। पेटको रोगबाट ग्रसित डाक्टर दाहालको उपचारका क्रममा काठमाडौं मेडिकल कलेजमा शुक्रबार निधन भएको हो। सार्वजनिक वित्त तथा करका विषयमा जानकार स्वर्गीय दाहाल त्रिभुवन विश्वविद्यालयमा चार दशकदेखि अध्यापन गराउँदै आएका थिए।
स्वर्गीय दाहालले एसियाली विकास बैंकका लागि अन्तर्राष्ट्रिय परामर्शदाताका रुपमा काम गर्नुकासाथै मेगा बैंकको सञ्चालक समिति अध्यक्षको भूमिकासमेत निर्वाह गरिसकेका छन्। उनका दर्जनाैं अनुसन्धानहरु प्रकाशित छन्। अर्थशास्त्रमा विद्यावारिधि गरेका दाहाल नेपाल आर्थिक संघका पूर्वअध्यक्ष पनि हुन्।
प्रकाशित: Dec 31, 2017| 18:23 आइतबार, पुस १६, २०७४