लिभरपुल प्रिमियर लिगको शीर्ष स्थानमा

एजेन्सी- लिभरपुल इन्ग्लिश प्रिमियर लिग फुटबलको शीर्ष स्थानमा उक्लिएको छ । आइतबार भएको खेलमा फुलहमलाई २-१ गोल अन्तरले पराजित गर्दै लिभरपुल प्रिमियर लिगको शीर्ष स्थानमा उक्लिएको हो ।

लिभरपुललाई जित दिलाउन साडियो माने र जेम्स मिल्नरले एक एक गोल गरे । फुलहमका रायन बाबेलले एक गोल फर्काए । खेलको २६ औं मिनेटमा साडियो मानेले गोल गर्दै लिभरपुललाई सुरुवाती अग्रता दिलाए । 

फुलहमको मैदानमा भएको खेलामा लिभरपुलले खेलको पहिलो हाफमा १-० को अग्रता मानेको गोलबाट लिएको थियो । दोस्रो हाफमा एक गोल थप गर्दा एक गाोल खान पुग्यो । खेलको ७४ औं मिनेटमा फुलहमका बाबेलले गोल गर्दै खेल १-१ को बराबरीमा ल्याए । 

तर, ८१ औं मिनेटमा मिल्नरले पेनाल्टीमा गोल गर्दै लिभरपुललाई २-१ को जित दिलाए । जितसँगै शीर्ष स्थानमा उक्लिएको लिभरपुलले ३१ खेलबाट ७६ अंक जोडेको छ । दोस्रो स्थानको म्यानचेस्टर सिटि भ्नदा २ अंकको अग्रता बनाएको छ । सिटीले भने एक खेल कम खेलेको छ । पराजित फुलहम १७ अंक जोडेर १९ औं स्थानमा रहेको छ ।