एजेन्सी- कतारमा आयोजना हुने २२ औं संस्करणको फिफा विश्वकप फुटबलमा ४८ राष्ट्रले प्रतिस्पर्धा गर्ने भएका छन् । शुक्रबार अमेरिकाको मियामीमा बसेको फिफा काउन्सिल बैठकले कतारमा आयोजना हुने विश्वकपमा सहभागी राष्ट्र बढाउने निर्णय गरेसँगै ४८ राष्ट्रले प्रतिस्पर्धा गर्ने भएका हुन् ।
यसअघि कतार विश्वकपमा फिफा काउन्सिलको बैठकले ३२ राष्ट्रको सहभागिता रहने बताएको थियो । तर, हाल बैठकले पुनः १६ राष्ट्र थप्दै ४८ राष्ट्रको सहभागिता रहने बताएको छ ।
सन् २०२६ को विश्वकपमा भने ४८ राष्ट्र हुने यसअघि नै तय भईसकेको थियो । सन् २०२२ को विश्वकपमा कतारसँगै एक सह-आयोजक राष्ट्र थप्ने निर्णय समेत बैठकले गरेको छ । उक्त निर्णयले कतारसँगै अर्को एक गल्फ राष्ट्रमा विश्वकप हुनेछ ।
पहिलो पटक फिफा विश्वकप इतिहासमा कतार विश्वकप जाडो मौषममा आयोजना हुदैछ । यसअघिका सबै विश्वकप गर्मी मौषममा हुँदै आएका थियो । बैठकले कतारमा अत्याधिक गर्मीका कारण विश्वकप नोभेम्बर २१ देखि डिसेम्बर १८ सम्म आयोजना गर्ने निर्णय गरेको थियो ।
प्रकाशित: Dec 31, 2017| 18:23 आइतबार, पुस १६, २०७४