दोलखा- माथिल्लो तामाकोसी आयोजनाका लागि सिनो हाइड्रो कम्पनीले प्रयोग गर्दै आएको बस दोलखामा दुर्घटना हुँदा दुई जना मजदुरको मृत्यु भएको छ ।
कम्पनीले भाडामा लिएको बा ४ ख ४५७३ नम्बरको बस शुक्रबार बिहान बिगु गाउँपालिका–१ नयाँ बाटोबाट करिब ३० मिटर तल खस्दा २ जनाको घटनास्थलमै मृत्यु भएको हो । दोलखा प्रहरीका अनुसार दुर्घटनामा परि सुर्खेतको चौकुने गाउँपालिका–३ का ३८ वर्षीय दिनेश थापा र लमजुङ मर्स्याङ्दी गाउँपालिका–३ का ४४ वर्षीय हिराप्रसाद मिजारको मृत्यु भएको हो ।
दुर्घटनामा घाइते २४ जनाको जिल्ला सदरमुकाम चरिकोटका अस्पतालमा उपचार भइरहेको छ । प्रहरीका अनुसार, घाइतेमध्ये ४ को अवस्था गम्भीर छ । बस दुर्घटनाको कारण खुलेको छैन । यसबारे अनुसन्धान भइरहेको प्रहरीले जनाएको छ ।
प्रकाशित: Dec 31, 2017| 18:23 आइतबार, पुस १६, २०७४