डेम्बेलेले दुई खेल गुमाउने

एजेन्सी- बार्सिलोनाका मिडफिल्डर ओसमाने डेम्बेले चोटका कारण दुई खेल गुमाउने भएका छन् । ह्यामस्ट्रिकका कारण तीन देखि चार हप्ता मैदान बाहिर रहने भएकाले डेम्बेलेले ला लिगा र च्याम्पियन्स लिगका एक एक खेल गुमाउने भएका छन् । 

उनले ६ अप्रिलमा ला लिगमा हुने एट्लेटिको मड्रिडसँगको खेल गुमाउने छन् । त्यस्तै अर्को एक खेल च्याम्पियन्स लिगको क्वार्टरफाइनलको पहिलो लेग गुमाउनले छन् ।

पछिल्लो समय लयमा देखीएका २१ वर्षे मिडफिल्डर टोलीको महत्वपूर्ण सदस्य हुन् । उनले बुधबार लियोनविरुद्ध च्याम्पियन्स लिगमा ५-१ को जित निकाल्दा एक गोल गरेका थिए । 

यो सिजन च्याम्पियन्स लिगमा उनको त्यो तेस्रो गोल हो । यो सिजन उनले सबै प्रतियोगितामा गरि १४ गोल गरेका छन् । च्याम्पियन्स लिगको क्वार्टरफाइनलको खेल तालिका शुक्रबार सार्वजनिक हुँदैछ ।