तस्बिर : खेलपाटी
विराटनगर- विराटनगरमा जारी पाँचौ संस्करणको साफ महिला च्याम्पियनसिपमा भारतले माल्दिभ्समाथि सानदार जित निकालेको छ । शहिद रंगशालामा भएको खेलमा भारतले माल्दिभ्सलाई ६-० को फराकिलो अन्तरले पराजित गरेको हो । सुरुवाती समयमा नै आक्रमक खेल प्रस्तुत गरेको भरातले खेलमा भएका पाँचवटा गोल पहिलो हाफमा सम्भव भएका थिए । त्यस्तै एक गोल मात्र दोस्रो हाफमा भइको थियो ।
पहिलो हाफको सुरुवाती समयमा माल्दिभ्सको कमजोर डिफेन्सको फाइदा उठादै भारतले २७ मिनेट भित्र ४ गोल गरेको थियो । त्यस्तै एक गोल पहिलो हाफको इन्जुरी समयमा पेनाल्टी बक्स अगाडी पाएको फ्रि-किकमा सोझो प्रहार गर्दै भारतकी रतनबाला देबीले गोलमा परिणत गरेकी थिइन् ।
खेलको आठौं मिनेटमा ग्रेस डाङ्मीले गोल गर्दै भारतलाई सुरुवाती अग्रता दिलाइन् । त्यसको पाँच मिनेट नबित्दै सन्धिया रङ्गनाथनले गोल गर्दै भारतको अग्रता दोब्बर पारिन् । उनले संगिता बास्फोरेको सापमा माल्दिभ्सका दुई डिफेन्डर सहित गोलरक्षक अमिनाथ लिजालाई बिट गर्दै उत्कृष्ट गोल गरिन् । २२ औं मिनेटमा इन्दुमती काथिरेसनले गोल गर्दै अग्रता तेब्बर पारिन् । उनले पेनाल्टी बक्स भित्रपाएको बललाई नियन्त्रर्णमा लिँदै गोल गरिन् ।
२७ औं मिनेटमा सन्जुले गोल गर्दै भारतलाई ४-० को अग्रता दिलाइन् । उनले डालिमा छिब्बरको पासमा गोल गरेकी हुन् । पहिलो हाफको इन्जुरी समयमा फ्रि-किकमा सोझो प्रहार गर्दै भारतकी रतनबाला देबीले गोल गर्दै पहिलो हाफमा ५-० को अग्रता दिलाइन् । खेलको अन्तिम समयमा सन्जुले व्यक्तिगत दोस्रो गोल गर्दै भारतलाई ६-० ले जित दिलाइन् ।
भारतको आक्रमक रणनिती अगाडी निरही देखीएको माल्दिभ्सको रक्षापङ्ती निकै फितलो देखीएको थियो । दुई मिनेटमा नै पेनाल्टी क्षेत्रबाहिर पाएको फ्रि किकमा चुकको भारतले त्यसको केहि मिनेटमा पुनरागमन गरेको थियो । त्यस्तै सन्जुले दिएको लामो क्रसमा सन्धियाले गरेको प्रहार अमिनाथले बचाउ गरिन्। जारी खेलको ३२ मिनेट समय पुगे पछि पहिलो हाफमा कुलिङ्ग ब्रेक लिएको थियो ।
मैदानमा खेली रहेको अवस्थानमा मैदानको तापक्रम ३२ डिग्री भन्दा बढी पुगे पछि रेफ्रीले प्रत्यक हाफमा एक पटक कुलिङ्ग ब्रेक लिन पाउने प्रावधान छ । कुलिङ्ग ब्रेकपछि केही सुधारीएको प्रदर्शन गरेपनि माल्दिभ्सले भारतको गोल पोस्टमा कुनै मौका सृजन गर्न सकेन् । एक पटक मात्र भारतको पोस्ट नजिक बल पुर्याएको भाल्दिभ्सले अन्य समयमा डिफेन्समै सिमित भयो ।
तर, दोस्रो हाफमा गोल गर्न नसके पनि भाल्दिभ्सले भारतको आक्रमणलाई विफल पारि दियो । दोस्रो हाफमा पनि कैयौ पटक माल्दिभ्सको पोस्टमा आक्रमण गर्न प्रयास गरेपनि त्यसलाई सफल हुन दिएनन् । तर, खेलको अन्तिम समयमा पुन माल्दिभ्सको डिफेनसलाई भारते तोड्दै एक गोल गरेको थियो । अब शुक्रबार भुटान र बंगलादेशबिचको खेल हुने छ ।
प्रकाशित: Dec 31, 2017| 18:23 आइतबार, पुस १६, २०७४