काठमाडौं- राजधानी न्यूज पब्लिकेशनका अध्यक्ष महेन्द्र शेरचनको कोरोना संक्रमणबाट मृत्यु भएको छ। नेपाल एपिएफ अस्पतालमा उपचाररत शेरचनको बुधबार साँझ ६७ वर्षको उमेरमा निधन भएको हो।
राजधानी न्यूज पब्लिकेशनका संस्थापक अध्यक्ष शेरचन नेपाली मिडिया सञ्चालकको छाता संगठन मिडिया सोसाइटीका पूर्व अध्यक्ष समेत हुन्। उनी अहिले मिडिया सञ्चालककै संस्था मिडिया अलाइन्सको उपाध्यक्ष रहेका थिए।
संविधानसभा सदस्यसमेत रहेका शेरचन विज्ञापन बोर्डका सदस्य पनि हुन्। उनी बैदेशिक रोजगार व्यवसायी संघका संस्थापक अध्यक्षसमेत हुन्।
शेरचनको बिहीबार ११ बजे पशुपति आर्यघाटस्थित इलोक्ट्रोनिक शवदाह गृहमा अन्तिम संस्कार गरिने पारिवारीक स्रोतले बनाएको छ। उनका श्रीमती, तीन छोरा र एक छोरी छन्।