काठमाडौं- सरकारले रिक्त दरबन्दीको विवरण उपलब्ध नगराएपछि लोकसेवा आयोगले थोरै संख्यामा मात्रै खरिदारको माग गरेको छ । अधिकांश न्याय सेवा, केहि ब्यबस्थापिका संसद र लेखापरिक्षणका लागि मात्रै आयोगले आवेदन खुला गरेको हो ।
बुधबार गोरखापत्रमा सुचना निकाल्दै आयोगले पुरानै संरचनाअनुसार १४ अञ्चलका कार्यालयहरुबाट खरिदारको दरखास्त दिन मिल्ने गरि आवेदन खोलेको जनाएको छ । प्रत्येक अञ्चल कार्यालयबाट करिब २० देखि २५ को संख्यामा मात्रै न्याय सेवा, ब्यबस्थापिका संसद र लेखापरिक्षणका लागि आवेदन दिन माग गरेको छ ।
सबैभन्दा बढि लोकसेवा आयोग काठमाडौं कार्यालयमार्फत ६५ जनाको दरखास्त मागिएको छ । प्रशासन तर्फ भने संघीय मामिला तथा सामान्य प्रशासन मन्त्रालयले रिक्त दरबन्दीको विवरण उपलब्ध नगराएपछि एक जना पनि माग गरिएको छैन । यसअघि नासु र शाखा अधिकृतको विज्ञापन गर्दा पनि मन्त्रालयले विवरण नदिएपछि आयोग अप्ठेरोमा परेको थियो ।
हेर्नुहोस सूचना